باراديس فالي طراجيات المغرب
باراديس فالي او وادي الجنة
هادي من اجمل المناطق المجاورة لمدينة اكادير . ومن الاحسن تمشي ليها مباشرة بعد الشتاء والربيع اما الصيف بلا متمشي ليها مكيكونش فيها الماء ولا كيكون قليل وملوث.باش توصل لبراديس خصك تجي حتى ل اكادير ومن اكادير تركب من لبطوار ل اورير ب 6 درهم فطوبيس وطاكسي ب 10 درهم
فاش تهبط ف اورير تقدا كلشي تما بحال لخضرا ولحم والزيت والسكر وكلشي لي غتحتاج.
ف اورير غتلقا وحد نوع تاع لبنان مشهور فهديك لمنطقة رخيص وطبيعي وبنين تقضا منو شي حاجة تعطيك الطاقة.
ف اورير كتلقا لخطافة ب 20 درهم حتى لبراديس. كيحط فطريق وكتمشي حوالي كيلومتر وتلقا دنيا زوينة تما وطونطي فين ما عجبك وكاين قهاوي تما تقليدين الا مشيتي على قبل نهار ومديتيش معك لماريال تاع trip ولكن من الاحسن تدي معك كلشي باش اطلع لك رخيص.
اما بالنسبة لناس لي جاين من طريق الصويرة اهبطو ف اورير قبل متوصل ل اكادير.
لمنطقة زوينة ولماء موجود سول اي وحد على منبع الواد باش تعمر منو لماء حيث لما لي غادي كيعومو فيه ناس.
ناس لي باغيا تعوم ترد بالها من لحجار حيث شحال من واحد كيبغي يقفز فالماء وكيصطادم مع لحجر راه شحال من واحد مات تما الله ارحمهم كاملين.
من الاحسن تمشو وسط الاسبوع حيث السبت والحد كتكون عامرة بزاف وروينة كتنوض تما.
حضيو راسكم ولمتريال تعكم ومتيقوش فحد واي بلاصة مشيتو ليها خليو وحد حدا لطونط تعكم حيت بنادم مخلط تما ولبراني كثير
لحطب ما قليل ما كثير من الاحسن تجيب معك مامبينغ غاز وملي تسالي جمع زبلك وخلي بلاصتك نقية وكتاشف لمنطقة طلع مع جبل تبع لواد وعيش الحياة متبقاش غير كالس حدا لطونط وكتعوم فقط
لي عندو شي اظافة ولا شي سؤال اخلي فتعاليق نستافدو كامل ولا لي محتاج معلومات كثر