لاك مرواني طراجيات المغرب

 لاك مرواني طراجيات المغرب

لاك مرواني هي وحد لبحيرة زوينة نواحي د اكادير و بالضبط فدوار تزكي نشرفا هاد دوار ايضا فيه مغارة وين تمدوين لي كيخرج منها لما وكيصب فوحد شاريج قدام لمغارة.
باش توصل ل لاك مرواني الا كنتي جاي من مراكش تهبط ف امسكرو والا كنتي جاي من شي قنط اخر غتركب من اكادير وبالضبط من تيكيوين. غتقضا كلشي من تيكيوين وتركب مع نقل المزدوج ب 20 درهم من تيكيون حتى ل امسكرود ومن امسكرود غتلقا لخطافة ب 15 درهم حتى لدوار تزكي نشرفا.
فاش تهبط فدوار من الاحسن تدير حتى طراجي تاع وين تمدوين ( راه كتبتو ليكم حتى هو ) باش تدير جوج بلايص فطراجي واحد
ملي احطك لخطاف سولو على لاك مرواني وغادي اوريك طريق ولا تبع لواد تقريبا وحد 2 كيلومتر مع لواد وطريق صعيبة شوية وكتبغي صبر ولكن فاش غتوصل غتلقا منظر يا سلام
لبلاصة زوينة وكالم غتشبعو عومان والكالم. لحطب موجود تما وجمعو زبال تعكم باش تخلو بلاصتكم نقية.
لحانوت كاينة تما الا خصكم شي حاجة ولخبز بضموند 5 درهم لخبزة
متديروش صداع تما ولا تسكرو ولمسيقى مجهدة حيث شحال من واحد نوض صداع تما وجراو عليه ولاد الدوار بلحجر . حتارم ناس باش احترموك.
حول توصلو بكري شويا بنهار باش فطريق متوحلوش حيث تما بعيد والا طاح عليك ظلام وممخالط تما بقيتي ودوار بعيد الا تحنسرتي فشارج ولا الامور الاخرى
لي عندو شي اظافة ولا معلومات جداد ولا اي استفسار ولا دعم اخلي لينا فتعاليق نستافدو كامل