وين تمدوين طراجيات المغرب

  مغارة وين تمدوين 

وين تمدوين هي وحد لمنطقة مغروفة نواحي اكادير وبضبط نواحي امسكرود
هاد وين تمدوين معروفة بوحد المغارة تسمى بمغارة وين تمدوين لي كيخرج منها الماء وكيتخوا فوحد الشاريج قادوه ناس تاع دوار تزكي نشرفاء لي كتنتمي له هاد المغارة وهد الشاريج لي على شكل مسبح كيجو ليه زوار من كل مكان وكل بلد.
باش توصل لهاد المنطقة عندك جو طرقان :
طريق لولة من اكادير تركب من تيكيون ولكن قبل متركب تقدا كلشي فتيكيون كاع الاشياء لي غادي تخصك ديها معه وغتركب مع الخطافة " النقل المزدوج " لي سولتيه على طريق د امسكرود او لخطافة د امسكرود اوريها لك.
غتركب ب 20 درهم من تيكيوين حتى ل امسكرود.
اما الا كنتي جاي من طريق مراكش من الاحسن تجي فالطريق الوطنية ماشي الطريق السيار باش امكن لك تهبط ف امسكرود.
فاش توصل امسكرود غتركب مع لخطافة ب 10 درهم او 15 درهم نت وزهرك وشطارتك حتى لدوار تزكي نشرفا
كاينة حانوت تما فدوار الا خصاتكم شي حاجة ولكن من الاحسن تجيب كلشي معك.
الانشطة لي امكن لك تدير تما محدودة بزاف من غير السباحة فشاريج الا لقيتيه عامر حيث بعض المرات كيكون خاوي يعني من الاحسن تسول على الشاريج واش عامر ولا خاوي قبل متمشي.
وردو لبال مزيان حيث شحال من واحد تشفر تما خاصة من شي براهش ولاد الدوار باسلين كيشفرو لي لقاو متديرو ثقة فحتى واحد وحضيو راسكم.
من تمدوين امكن لك تمشي لاك مرواني حيث قريبة ليها
اخيرا جمعو زبلك وخلو بلاصتكم نقية ومتصدعوش ناس بالمسيقى المجهدة ومخلفات الازبال
لي عندو شي اظافة ولا شي سؤال اخلي فتعاليق ولا اي معلومة خلوها لينا نستافدو كاملين