إمتضي طراجيات المغرب
امتضي الاطلس الصغير
امتضي هي وحد لقرية صغيرة من قرى الاطلس الصغيرباش تمشي ليها خصك تجي حتى لتزنيت او اكادير وتشد لكار تاع كلميم وتهبط فبيزكارن
من اكادير ل كلميم 80 درهم فلكار
ومن تزنيت ل كلميم 35 او 40 على حساب
هبط فبيزكارن وشد كار لتغجيجت ب 10 درهم ولا طاكسي ب 15 درهم
من تغجيجت لجماعة اداي ب 10 درهم مع لخطافة
من جماعة اداي ل امتضي ب 10 مع لخطافة
كاين لحوانت تما ولكن من الاحسن تقضى كلشي ف بيزكارن بحال لخبز ولحم ولخضرة والاشياء الظرورية.
امتضي فيها لحوانت وناس تاعها الله اعمرها حتارموهم وخلو بلاصتكم نقية.
امتضي معروفة بالوحات و المخازن لجماعية بحيث فيها جوج مخازن كل مخزن خاص بدوار . هاد لمخازن كتدخل ليهم ب 15 درهم لشخص لواحد. وشكل تاع لواحة لي جاو وسط مضايق تعطيها شكل جميل ورائع.
كاين بلايص فين تعوم تما الا تبعتي الواد
طونطي مسموح بيه والا جا عندكم شيخ تعاملو معه مزيان وحتارموه راه الله اعمرها دار حتى الا طلب ليك لكارط خليها عندو حتى تبغي تمشي وشدها عندو .والا بغيتي تشارجي تلفون سير عند اي واحد طلبو بإحترام وممنوع تشعلو لعافية فالواحة وطلقو لمسيقى بالجهد احتراما لناس د لمنطقة.
اخير جمعو زبل تعكم وخلو بلاصكم نقية وعطو صورة اجابية للرحالة المغاربة.
لي عندو شي اظافة ولا سؤال خلوها لينا فتعليق نستافدو كاملين