الكاتيدرال امسفران طراجيات المغرب
الكاتدرال امسفران
امسفران هي وحد لمنطقة نواحي بني ملال معروفة بوحد جبل على شكل كنيسة او كتدرائية دكشي لاش تسمات بلكاتدرال.ها لبلاصة زوينة بزاف وفيها ميتشاف بحال جبل والغابة ولواد لي كيدوز من تما يسمى بواد أحنصال.
باش تمشي لكاتدرال خصك تمشي حتى لبني ملال ومن بني ملال تركب فطاكسي حتى لواويزغت ب 30 درهم ومن واويزغت تركب مع لخطافة ل تيلوكيت ب 20 درهم والا كمل بيك حتى لكاتدرال حدا لوزين تاع لخشب تزيدو 10 درهم. اما الا كان حدو تيلوكيت خص تلقا خطاف اخر اكمل بيك ب 10 درهم.
تقدا كلشي فتيلوكيت باش تهنا وخا كاينة لحانوت تما فطريق لكاتدرال . لماء موجود تما لواد نقي دايز من حداك نتمنى متلوتوهش وترميو فيه زبل. لحطب موجود ولخبز الا سالا ليكم سير عند مول لحانوت دومانضيه عندو اوجدو ليكم
ثمن لخبزة ب 5 درهم خبز تاع دار زوين ولذيد وكيبيعو لبيض لبلدي ب 30 ريال لبيضة.
الانشطة لي تقدرت تدير فالكاتيدرتل هي تركب الكياك وتعوم فالواد وطلع لقمة تع جبل الكاتدرال لي لعلو تاعها 1868 متر ولي هي من امتع واجمل القمم وامكن لك تمشي لمضايق تاع لكاتدرال ما عليك غير تبع لواد حتى تلقاهم
ناس تاع تما الله اعمرها دار تعملو معهم مزيان
اخير خليو بلاصكم نقية وحتارمو سكان د لمنطقة ومتديوش معكم شراب والمحرمات باش متخصروهاش على ناس لخرين
اي معلومة محتجينا خلوها فتعليق ولا اي اظافة كتبوها لينا فتعاليق ولا تصحيح شي معلومة خلوها فتعاليق ونتبادلو نتعاليق من اجل كلشي استافد
اخير خليو بلاصكم نقية وحتارمو سكان د لمنطقة ومتديوش معكم شراب والمحرمات باش متخصروهاش على ناس لخرين
اي معلومة محتجينا خلوها فتعليق ولا اي اظافة كتبوها لينا فتعاليق ولا تصحيح شي معلومة خلوها فتعاليق ونتبادلو نتعاليق من اجل كلشي استافد