كاربلانكا طراجيات المغرب
كارابلانكا الناظور
باش تمشي لكارابلانكا خصك تمشي لناظور. من الناظور لبني نصار فطاكسي ب 6 درهم ومن بني نصار لفرخانة ب 8 درهم.ولكن من الاحسن تشد طاكسي من الناظور لفرخانة ب 10 دراهم.
ملي توصل لفرخانة تقدا كلشي تما. رخيص وكلشي موجود سلعة تاع اسبانيا رخيصة مقارنة مع تاع المغرب.
ملي توصل لفرخانة غتلقى الخطافة لي كيسموهم ناس د لمنطقة "الفوضويون" زعما الخطافة بلهجة د شمال. كتركب ب 7 درهم من فرخانة حتى حدا لحانوت لي فطريق كاربلانكا. لخطافة عرفين فين احطو غير علمك.
كاين شي خطافة كيقولك نديكم كورصة ب 70 درهم متركبش معهم حيث غالين وكيبغو اديرو لك شونطاج واقولو لك مكاين لبلايص غير ياله ولا تبقا هنا.
فاش تنزل فطريق كارابلانكا تقدر تفاهم مع الخطاف انزل حتى حدا حدا لبحر والا مبغبتي امكن لك تهبط لفوق وتقتاصد شويا وتهبط وحد كيلومتر ولا كثر وغتلقا مناظر طبيعية وشواطئ بحال الا كاين فلملديف
واخير جمعو زبل تعكم وحتارمو السكان وكونو اجابين وعطو صورة زوينة للرحالة المغاربة
اي معلومة بغينا تعرفوها خلوها لينا فتعاليق واي وحد عندو شي اظافة اكتبها نستافدو كامل ولا شي تصحيح لمعلومات