تكلمامين طراجيات المغرب
تكلمامين طراجيات المغرب
تكلمامين معروفة بإسم اخر لي هو نظارات الاطلس بحيث الشكل تعها لي كيشبه لشكل نظارة. هاد تكلمامين هي كلمة امازيغية تعني البحيرتينهاد لبحيرة متواجدة فنواحي خنيفرة وبالضبط باش تمشي ليها خصك تمشي لخنيفرة ومن خنيفرة غتركب من حدا التيران ل امالو ب 2 درهم فالطوبيس وفاش تهبط ل امالو تقدا كلشي تما لي خصك وخا غتلقا لحانوت تما ولكن متعولش تقدر تلقاهم سادين من الاحسن تقدا كلشي ف امالو.
من بعد ما تقدا قلب على لخطافة لي كيدو ل تكلمامين غتلقاهم حدا لخطافة لي كيدو ل اكلمام ازكزا. اما بالنسبة لثمن تاع لمركوب هو 15 درهم حتى تكلمامين.
الا بقيتي اومبان بلخبز قصد اي واحد وسولو على شكون كيبيع لخبز وكيكون بضموند خلصو قبل عاد اوجدو ليك وثمن لخبزة ب 5 درهم غيجيبو ليك سخون وبنين.
لمنطقة زوينة وفيها ميتشاف ولبحيرات فيهم لحوت لي بغا اصيد واجيب عشاه وحتى سباحة زوينة تما ولكن خطار ردو بالكم متغامروش
متبقاش غير حد لبحيرات طلع مع لغابة وستكشف لمنطقة ولكن رد لبال لمتريال تعك لا اسرقوه ليك حيث كيجي لبراني لتما اما ولاد لمنطقة الله اعمرها دار وكيساعدو ناس . دكشي لاش حتى نت خصك تعامل معهم مزيان ومتصدعهمش بلمسيقى والزبل تعك والغوات ولا تشعل العافية فالغابة
اخير لي عندو شي معلومة احط فتعاليق ولا شي اظافة نستافدو كاملين